حوار بين ساندوتش طعمية و مواطن مصري .........

من طرف eEemOo الإثنين أبريل 21, 2008 1:00 pm

حوار بين سندويش فلافل ومواطن عربي

اشترى مواطن مصري سنكاوشت فلافل وفتح المغارة -بقه يعني- و لسة كان هيلهطه ...
سنكاوشت الفلافل (بيصرخ): استنى
أرجوك أرجوك ماتاكلنيش ده احنا حتى اخوات يا أخي
المواطن (مزبهلّ): انت بتقول إيه ؟
معقولة
سنكاوشت الفلافل: طبعاً معقول ، اقف جنبي و بص في المراية و هتحسّ إن انت شايف نفسك مرتين
المواطن:مش فاهم برضه ؟
سنكاوشت الفلافل:يا عم أنا باتقلي كل يوم في الزيت و انت بتتقلى تحت الشمس في الحر و انت شغال
المواطن:بسسسسسسسسس اخرس بقى أنا جعان و هآكلك يعني هآكلك ماتتعبش نفسك بقى ...
سنكاوشت الفلافل: بصّ انت أخويا و انا مصمم ...انت مش ملاحظ إن إحنا الإتنين سعرنا رخيص محلّيا و بنتباع بره بالعمله الصعبه
المواطن:يمكن ....... بس برضه ده مش سبب يخلّينا اخوات
سنكاوشت الفلافل:طيب بصّ تاني في المراية كده و قولي شايف إيه
المواطن:شايف حاجة طويلة و معصعصة ولونها أصفر و مايملاش بطنها إلا عجينة طعمية .......... ارحمني بقى عايز آكل
سنكاوشت الفلافل: انت بتوصفني ولا بتوصف نفسك ؟؟؟؟؟؟
المواطن: تصدق مافيش فرق
سنكاوشت الفلافل: صدقتني بقى إن احنا اخوات و يمكن نكون توام ملتصق كمان
المواطن: و الله يا أخي انت أقنعتني بكلامك بس انت ناسي حاجة مهمه أوي
سنكاوشت الفلافل:إيه هي ؟؟
المواطن:إن انا عربي و العربي بياكل لحم أخوه
سنكاوشت الفلافل (مرعوب):
لا.. استنى... استنى.. استنـــــ..

وبلقمتين ما بقاش في السانكاوشت ولا فتفوته

(( يا ترى لو اتحطيت في الموقف ده تحب تبقى سنكاوشت ولاتحب تفتح باب المغارة ؟؟؟ ))