لا تتنحـــــى ..... لا تتنحــــى

من طرف Nada الإثنين أبريل 28, 2008 11:42 am

كله إلا التكييــــف ........
في نص المحاضرة ...... حصلت الكارثة !!!!
التكييف وقف ... أيوة التكييف وقف !!! ازاي يحصل كده في جامعة متقدمة !
خرجت الطلبة في مظاهرات ... والدنيا اتقلبت ... والدكاترة نزلوا للطلبة ... ومكتب وزير التعليم العالي قدم اعتذار .
والطلبة مُصرين على محاسبة المسئول عن الكارثة دي !
والهتافات كانت زي النار ( حاسبوا الجانـــــي ) ( أرواحنا في خطـــر ) ( مئات الطلاب معرضين للحر )
وفجأة ...!!! عميد الكلية نزل من مكتبه ووقف بين الطلبة وقال بصوت حزين مليان بالشعور بالذنب :
" ( أبنائي الطلاب ) أيوة قال ابنائي الطلاب لأن في الجامعة المتقدمة كلنا أسرة واحدة
إنني مستعد ان اتحمل المسئولية ... بل انني اخبركم انني تنحيت عن كافة مناصبي الرسمية وقررت ان اعود إلى صفوف الجماهير بل انني مستعد اطلع اصلح التكييف بنفسي "
وهنا تجلت روح التسامح عند الطلبة وصرخوا في نفس واحد " لا تتنحى ..... لا تتنحـــــى "
وخرجت المظاهرات في كل حتة في الكلية تنادي ببقاء ( عبد الناصـــر ) قصدي عميد الكلية