قصيدة بنت مصرللشاعر كريم فوزى

لفيت بلاد وبلاد
وشفت بنات وبنات
لكن بنات مصر اخر ايامة
خفة وحلاوة وجمال ونظرة وابتسامة
مشيتها توقف شنبات
ورجالة جيوبها مليانة
خطوتها رنانة
وثقتها بنفسها عالية ومسمعانا
عنيها لؤلؤتين من كنز مرجانة
ملكة البحور السبع الحلوة الفتانة
جدعة وبنت بلد
تشيل راجلها فى ازمته
تلاقيها ساعة الجد وتد يستند عليه حضرته
فلاحة بنت فلاح
تملى زلعتها
وتروى زرعته
ا وتحلب بقرتها
وتربى فى بنيتها
اصيلة مابتكرهش
وان حبت ماتفرطش
وان امنوها ماتخونش
وان وعدت ماتخلفش
وان شهدت ماتكزبش
زكية فراسة
عقلها يوزن الف كراسة
مايضحكش عليها ولو بالف الماظة